Milani po kalon një periudhë shumë të vështirë këtë sezon, dhe drejtuesit kanë filluar të punojnë për lojtarët që do të afrojnë në merkaton e janarit.
Një nga repartet ku kuqezinjtë pritet të ndërhyjnë në merkaton e ardhshme, pritet të jetë ai i mesfushës. Në listën e tyre, drejtuesit e Milanit kanë disa emra për të përforcuar, teksa një nga ta është edhe një mesfushor i Barcelonës.
Bëhet fjalë për talentin Karles Alena, i cili e ka pothuajse të pamundur të gjejë minuta te katalanasit. 
Italianët e pëlqejnë shumë mesfushorin dhe do të provojnë ta transferojnë atë në janar. Barcelona mund ta linte të lirë futbollistin në formën e huazimit, në mënyrë që ky i fundit të gjejë edhe më shumë minuta.
