Interi nuk ka shkuar më shumë se barazimi 1-1 në fushën e tij në përballjen delikate përballë ekipit të Atalantës.
Zikaltërit kaluan të parët në avantazh me anë të një goli të Lautaro Martinez që në minutën e 4-t dhe udhëhoqën gjatë gjithë ndeshjes. Por ndodhi ajo që nuk pritej, zikaltërit u tërhoqën në mbrojtje dhe miqtë, minutë pas minute, filluan t’i afroheshin portës së Handanoviç.
Në minutën e 75 të takimit vjen dhe barazimi i Atalantës me anë të Gosens, falë dhe një përgjumje të mbrojtjes vendase. Mbrëmja për Interin mund të ishte mbyllur dhe më keq pasi arbitri akordoi një penallti për miqtë në minutën e 88, e cila u prit nga Handanoviç.
Interi ndodhet aktualisht në vend të parë të Seria A dhe pret një dhuratë nga Roma e cila do të presë mbrëmjen e së dielës Juventusin.
