Ndonëse merkatoja hapet vetëm në muajin qershor, Milani ka nisur që tani punën për të piketuar emrat që i duhen për sezonin e ardhshëm. Kështu, mediat angleze raportojnë se është pikërisht mesfushori spanjoll Ander Herrera, emri që kryeson listën e Fassones.
Kuqezinjtë janë gati të ofrojnë 36 milionë euro për mesfushorin e Manchester Unitedit, kontrata e të cilit me ‘djajtë e kuq’ skadon në verën e 2019-ës. Herrera shikohet si futbollisti ideal për të marrë në dorë regjinë e lojës së kuqezinjve, pasi Lucas Biglia ende nuk ka bindur dhe për më tepër, është 32 vjeç tashmë.
