Xhanluixhi Bufon ka ndërmend të luajë sërish me Juventusin. Gardiani bardhezi, i cili këtë sezon luan për herë të parë në karrierë si portier i dytë ka vendosur të rinovojë me klubin e tij të zemrës në fund të muajit mars-fillim i muajit prill me kushtin që të mos pësojë rënie në formë.
Drejtuesit e klubit janë të kënaqur dhe dëshirojnë që Bufon të vazhdojë të mbrojë ngjyrat bardhezi.
Vetë shefi i klubit të Juventusit Fabio Paratiçi pranoi se rinovimi i kontratës së Bufonit është në dorë të 42-vjeçarit.
Kampioni i botës me Italinë në vitin 2006 është aktivizuar 11 herë këtë sezon dhe ndaj Milanit tregoi një paraqitje mbresëlënëse duke treguar sërish se nuk njeh plakje.
