Diego Godin dhe Inter do t’i ndajnë rrugët e tyre në fund të sezonit dhe kjo gjë tashmë është thuajse e sigurt. Zikaltrit kanë nisur nga puna për të gjetur zëvendësuesin dhe përveç emrit të Vertonghen, në skenë së fundmi ka dalë edhe lojtari i Kombëtares tonë.
Bëhet fjalë për Marash Kumbullën, i cili kërkohet nga shumë klube të mëdha. Mediat italiane kanë lakuar emrin e mbrojtësit të talentuar si përforcim të mundshëm për Interin.
Marotta duket se preferon të marrë një lojtar të ri përpara Vertonghen, i cili numëron 32 vite mbi supe. Kumbulla shihet si njeriu ideal për ekipin e Contes dhe Inter pritet të nisë sa më shpejt bisedimet me Veronën, ku si pjesë e marrëveshjes mund të përfshihet edhe Dimarco.
