Rregullat strikte të UEFA-s kanë bërë që për çdo skuadër futbolli të kërkohet testimi dhe ritestimi disa herë para një ndeshjeje. Sot për Kombëtaren do të ketë testime përpara se të udhëtojnë drejt Bjellorusisë.
Kjo, për faktin se sot pritet që të gjithë të jenë të pranishëm në grumbullim dhe do të merren përgjigjet përpara se nesër skuadra të nisen për transfertën e katër shtatorit. Lojtarët, stafi teknik, stafi mjekësor dhe ai ndihmës i federatës që do të shoqërojë delegacionin kuqezi do të jenë të gjithë pjesë e testeve që do të kryhen për të mësuar nëse të gjithë janë të gatshëm për të udhëtuar drejt Bjellorusisë.