Megjithëse Milani vijon të konfirmojë besimin ndaj Lorenco Kolombos si zëvendës i Ibrahimoviçit, “Tuttosport” ka paraqitur hipotezën që Keita Balde mund të jetë profili për të marrë vendin e zëvendësit të suedezit në hierarkitë e Stefano Piolit.
E përditshmja italiane raporton se si lojtari dëshiron të ndryshojë klub këtë verë dhe ka pasur kontakte me ekipe si Fiorentina apo Sampdoria.
Deri tani kuqezinjtë kanë kryer vetëm sondazhe dhe në rast se hidhen konkretisht në sulm, atëherë 25-vjeçari do t’u jepte prioritet. I aftë të mbulojë disa role në vijën e parë, Balde thuhet se vlen 15 milionë euro, çka e komplikon disi planin e drejtuesve të Milanit për ta afruar në ekip.
