Kastrioti ka mposhtur me rezultatin 2-1 Partizanin, në ndeshjen e javës së parë të Kategorisë Superiore.
Në stadiumin e Kamzës, u zhvillua një ndeshje spektakolare, ku nuk munguan rastet nga të dyja skuadrat. Krutanët kaluan të parët në avantazh më anë të Da Silva, i cili pasi përfitoi nga një gabimi Belicës në mesfushë, u nis drejt portës së Hoxhës dhe pasi kaloi këtë të fundit, ia arriti ta dërgojë topin në fundin e rrjetës.
Pas kësaj, Partizani u mundua të reagojë, por pa sukses, duke shkuar në dhomat e zhveshjes në disavatazh. Pjesa e dytë nisi disi më mirë për skuadrën e Dajës, që gjeti golin e barazimit në minutën e 65’, pas një penalltie të fituar nga Asani, ët cilën e shndërroi në gol po ai. Kur Partizani po kërkonte golin e avantazhit, atë e gjeti Kastrioti, teksa Rezi shënoi një supergol në minutën e 87’, duke i dhënë fitoren skuadrës së tij.
