Barcelona po lëviz në merkato, pasi synon që të forcojë ekipin në janar. Katalanasit po mendojnë të afrojnë mesfushorin Tanguy Ndombele nga skuadra e Tottenhamit.
23-vjeçari nuk i ka marrëdhëniet e mira me trajnerin Jose Mourinho dhe nuk po luan shumë. Ai mund të joshet nga ideja që të kalojë te Barca, ndërsa Koeman po mundohet të rinovojë ekipin.
Mourinho nuk është kundër një lëvizjeje të tillë. Portugezi dëshiron të shesë që të mbushë arkën dhe të ketë mundësi të afrojë futbollistë të tjerë në merkato.