Futbollisti me origjinë shqiptare Andi Zeqiri, u aktivizua nga stoli në ndeshjen e Premier Ligës që skuadra e tij Brajton zhvilloi ditën e sotme ndaj Uolves.
Sulmuesi u hodh në fushë në minutën e 46-të, teksa skuadra e tij ishte duke humbur me rezultatin 1-3. Me futjen e Zeqirit, loja e Brajtonit u rrit ndjeshëm, teksa skuadra vendase arriti të realizonte 2 herë në pjesën e dytë duke çuar shifrat në 3-3.
Një pikë e rëndësishme kjo për skuadrën e Brajtonit përballë një kundërshtari të vështirë si Uolves.
