Lacio luan një ndeshje të vështirë ndaj Interit në stadiumin “Giuseppe Meazza” sonte në mbrëmje, nga ku klubi kryeqytetas dëshiron të mbajë ende të gjallë serinë e ecurisë pozitive që po kalon gjatë këtyre javëve të fundit.
Përpara nisjes në Milano tifozët lacial nuk pyesin për koronavirusin teksa ishin mbledhur në qendrën stërvitore në “Formello” dhe e përcjellin skuadrën e zemrës në mënyrën e duhur dhe për ta karikuar duke parë vështirësinë e këtij takimi pasi edhe Interi po kalon një peiudhë pozitive pavarësisht eliminimit në gjysmëfinalen e Kupës së Italisë ndaj Juventusit.
Tifozët ultras së skuadrës bardhekaltër janë shfaqur përpara autobuzit të ekipit me kore dhe tymuese për t’i motivuar lojtarët në mënyrën sa më të mirë të mundshme.
