Trajneri i Barcelonës, Enesto Valverde është i pakënaqur me drejtuesit e La Ligas, të cilët nuk e kanë vendosur sistemin VAR.
Barcelonës në ndeshjen e mbrëmshme ndaj Deportivo La Corunas iu mohua një gol i pastër, i treti këtë sezon.
Sipas trajnerit të Barcelonës fajtor për këtë është La Liga, që nuk e ka vendosur sistemin VAR, i cili do të mundësonte që këto gola të pranoheshin.
“Unë nuk e pash, por teknologjia do të ndihmonte, ju do ta shihnit nëse ishte gol apo jo”, tha fillimisht Valverde.
“Unë nuk e di pse nuk është përdorur në La Liga. Pajisjet janë të shtrenjta, por është absurde që ne nuk i kemi. Ne jemi vonë dhe kjo po shihet”.
