Kampionati Europian deri më tani ka ecur me ritme të kënaqshme duke hapur dhe dyert e stadiumeve për shumë tifozë të cilët u rikthyen pas një kohë të gjatë.
Por ditën e djeshme, 86 tifozë të Finlandës kanë rezultuar pozitiv me Covid-19. Grupi kishte udhëtuar drejt Rusisë për të ndjekur ndeshjen me Belgjikën në stadiumin “Shën Petersburg”, por gjatë kthimit për në shtëpi në testet e kryera në doganë pjesa më e madhe e tyre ka rezultuar pozitiv me virus.
Shkalla e infektimeve në Rusi është gati 20 herë më e madhe së në Finlandë dhe tifozët i janë nënshtruar tani më disa testeve specifike pasi prania e tyre në stadium me mijëra të tjera ka shkaktuar panik në radhët e autoriteteve.
