Partizani bën një tjetër goditje në merkato. Kësaj radhe ‘’demat e kuq’’ kanë zyrtarizuar afrimin e qendërmbrojtësit maqedonas Aleksandër Damçevski.
28-vjeçari ka firmosur kontratë për një vit me opsion rinovimi dhe për një sezon tjetër. Lajmi për afrimin e qendërmbrojtësit e bëri vetë faqja e Partizanit nëpërmjet një postimi në faqen e saj në ‘’Facebook’’.
Damçevski është futbollist i lindur në Francë, por me origjinë maqedonase dhe që prej vitit 2014 mban veshur fanellën e Maqedonisë së Veriut. 28-vjeçari ishte prej 3 sezonesh pjesë e skuadrës armene të Araratit dhe ka luajtur më parë dhe në Holandë te NAK Breda.
