Vedat Muriqi ishte protagonisti kryesor i fitores së Kosovës pasi sulmuesi dardan ishte vendimtar tek aksioni i golit të vetëm për triumfin ndaj Gjeorgjisë.
“Ishte një fitore e rëndësishme për kthimin tonë. Ishte e rëndësishme me ju kthyer fitoreve dhe nuk ka rëndësi kush shënon, me rëndësi që të ecim përpara si Kombëtare. E kemi përfunduar ndeshjen pa pësuar gol dhe kjo është e rëndësishme.
Shpresoj që të fitojmë edhe me Greqinë që t’i marrim dy fitore dhe t’i kemi gjashtë pikë. Për ne ka qenë e rëndësishme që të fitojmë dhe ju e dini që kur po luajmë në Kosovë jemi më të mirë. Do të mundohemi maksimalisht për të fituar dhe të marrim pikë në Prishtinë”, tha Muriqi.
