Pas transferimit të Kristiano Ronaldos në ‘Old Traford’ të gjithë po presin debutimin e yllit të tyre me fanellën e Mançester Junajtid.
Sipas gjasave, debutimi i shumëpritur do të ndodhte në ndeshjen me Njukasëllin këtë të shtunë, por kjo mund të shtyhet për shkak të karantinës.
Ronaldo u grumbullua me kombëtaren portugeze ku u bë protagonist në sfidën ndaj Irlandës duke shënuar një dopietë, megjithatë në momentin e festimit të golit gjyqtari e ndëshkoi me karton të verdhë pasi CR7 hoqi fanellën, veprim ky që nuk e lejoi Ronaldon të aktivizohej në ndeshjen e radhës të Portugalisë për shkak të kartonëve.
Luzitanët e lanë të lirë Ronaldon që të udhëtonte drejt Mançesterit dhe të bashkohej me pjesën tjetër të skuadër, por momentalisht 36-vjeçari ndodhet i karantinuar për shkak të rregullave anti-covid në Angli.
Me shumë mundësi ndaj Njukasëllit, Ronaldo do të jetë në stol ndërsa debutimi i tij i shumëpritur mund të bëhet ditën e martë në sfidën ndaj Jang Bojsit në Ligën e Kampionëve.