Fitorja 2-0 ndaj Empolit nuk i ka shërbyer Romës vetëm për t’u kthyer në rrugën e duhur në kampionat pas disfatës në derbi, por edhe për të konfirmuar Zhoze Murinjon si një specialist të mirëfilltë të ndeshjeve në shtëpi. Sot, trajneri ka vendosur një rekord unik në Serinë A.
Sipas të dhënave të ekspertëve të Opta, Murinjo sot ka regjistruar ndeshjen e 42-të radhazi në shtëpi pa humbur ndeshje në Serinë A, një rekord i cili ka filluar kur drejtonte Interin e po vazhdon tanimë me Romën.
Ky rekord merr për bazë të gjitha ndeshjet e luajtura që nga sezoni 1994-1995, kur ndryshoi sistemi i pikëve me fitoren që vlerësohej 3 pikë e jo më 2.
