Tirana ka arkëtuar rreth 158 milionë lekë nga derbi i së hënës. Është ky lajmi më i fundit që ka dalë nga ambienti bardheblu.
Tirana nga ana e saj ka shitur rreth 13 mijë bileta, ndërsa shuma e arkëtuar shkon rreth 160 milionë lekë. Në fakt, shumë pak për një stadium modern që më përpara është mbushur plotësisht nga tifozët e Tiranës dhe Partizanit.
Dy derbet e mëparshme në këtë impiant kanë sjellë arkëtime, mbi 250 milionë lekë që i mori Tirana dhe 200 milionë lekë që i mori Partizani. Pas derbit, presidenti i Tiranës, Refik Halili, u ka shtuar premion nga 30 në 35 milionë lekë, duke u plotësuar dëshirën futbollistëve dhe stafit të Tiranës.
Nga ana tjetër, Halili u ka vënë kushte lojtarëve për ndeshjet në vijim, duke filluar që nga sfida me Vllazninë në kampionat.
