Mbërrin një tjetër intervistë e rëndësishme nga Zlatan Ibrahimovic. Sulmuesi dhe lideri i Milanit ka folur për Prime Video në prag të ndeshjes kundër Atletico Madridit.
Fokusi menjëherë te ndeshja e nesërme: “Përgatitemi si gjithmonë me përqendrim dhe fizik. Thjesht duhet të jem mirë, ndjek gjërat që më japin të bëj, nëse jam mirë jam prezent. Kundër Atleticos luajtëm shumë mirë, për aq kohë sa mbetem një më pak. Është e vështirë të jesh mangut me lojtar në Champions League. Ne e dimë se çfarë mund të bëjmë dhe sa të mirë jemi. Çdo ndeshje ka jetën e vet, do te përpiqemi”.
Për marrëdhënien me Simeonen dhe hipotezën për të luajtur te Atletico: “Simeone është një trajner i madh, është i gjallë në pankinë, ka shumë emocione. Mentalitet dhe qëndrim fitues, nëse është si unë nuk e di, secili ka karakterin e vet. Ndikon dhe stimulon, kur i takon këta njerëz është një avantazh, tashmë e di që kanë një mentalitet fitues. Unë e pashë Simeonen vetëm një herë në Formentera, e pershendeta, por nuk kishte asnjë shans për të shkuar në Madrid”.
Për rolin e tij si drejtues: “Unë flas shumë me shokët e skuadrës, është përgjegjësia ime. Për mua, nëse je lider automatikisht, të gjithë marrin përsipër detyrat e tyre. Kushdo që ka dëshirë të flasë, të thotë gjëra për të dhënë guxim, duhet të vijë natyrshëm. Gjithkush bën të tijën për t’u përgatitur dhe përqendruar dhe nëse bën më shumë për shokët e tij, kjo vjen natyrshëm, gjërat që them janë spontane”.
Arsyet: “Kam një problem, nuk jam kurrë i kënaqur. Dua të bëj më shumë që të ndihem i gjallë, që jam prezent. Nuk dua të jem këtu për diçka që kam bërë më parë, por për të tashmen. Më pëlqen të punoj, të vuaj, këtë botë ku po jetoj. Pastaj sa më shumë të rritet mosha, aq më shumë gjërat ndryshojnë. Por kush është inteligjent, çdo gjë e përshtat me statusin e tij”.
Në rrugën drejt majës: “Të gjithë kanë ëndrra, por duhet shumë për të arritur atje. Duhet të besosh në të, të jesh i gatshëm, të jesh gati për të bërë sakrifica dhe për të vuajtur. Nuk është gjithçka automatike kur dikush ju sjell sukses. Gjithçka varet nga ju.
Askush në fillim nuk besoi tek unë, por unë nuk u dorëzova, kisha besim tek vetja, e dija që isha më i miri. Ky mentalitet më ka çuar përpara, kam treguar se gjithçka është e mundur, gjithçka varet nga ju dhe sa jeni të gatshëm të jepni për të arritur atje. Bëra maksimumin: vija pothuajse nga asgjëja – nuk them nuk kisha buke – por gjendja ime nuk ishte si ajo e të tjerëve”.
Së fundi, për ndihmën ndaj të rinjve: “Kam 25 vite në këtë nivel, kam kaluar kohë të vështira, por edhe pozitive. Unë sjell përvojën time për ta, kështu që ata nuk kanë nevojë për shumë për të menduar për të. Unë u jap fjalë kyçe për të bërë atë që duhet, pastaj të gjithë duhet të marrin përgjegjësitë e tyre, ndërsa rriteni duhet të rrisni nivelin tuaj”.
