Interi barazoi sërish 0-0 ndaj Napolit, duke bërë që të kaltrit të humbasin kreun e klasifikimit të Serisë A.
Trajneri i skuadrës milaneze, Luciano Spalletti, është i kënaqur nga ndeshja, duke u shprehur se ishte “e mirë në aspektin taktik”.
Por, kur u pyet për objektivat e skuadrës së tij, që tashmë ka dalë nga zona Champions, u shpreh me fjalë të ashpra për lojtarët që ka në dispozicion.
“Nuk kemi vazhdimësi. Unë nuk e di se çfarë do të ndodhë në ndeshjen e ardhshme. Nuk jam i bindur se Interi ka gjithë atë cilësi për të cilën flitet. Nëse një skuadër kërkon që të mbajë kundërshtarin të mbyllur në mbrojtje, duhet të ketë disa cilësi. Napoli i ka cilësitë. Ne nuk kemi luajtur ndonjëherë futboll fantastik”, deklaroi Spalletti.
