Prindërit e portierit të kombëtares shqiptare të futbollit Etrit Berisha janë pjesë e personave që kanë blerë tokë në zonën e quajtur “Rana e Hedhun” në Lezhë, për të cilën u arrestua kryebashkiaku Frrokaj dhe disa zyrtarë të tjerë.
Report Tv mëson se prindërit e Etrit Berishës ka blerë 400 metra tokë, ndërsa kur janë pyetur nga banorët e zonës kanë deklaruar se ‘E kemi gjetur me çmim të lirë’. Prindërit e Berishës kanë blerë tokën te ‘Rana e Hedhun’ nga personat që mendohet se i kanë tjetërsuar pronat.
Personat e akuzuar për falsifikim dhe tjetërsim të pronave kanë vepruar me shpejtësi duke e shitur me çmim më të lirë se të tregut. Ndërkohë që përpos 23 personave të përfshirë, ka edhe zyrtarë të tjerë për të cilët vijojnë hetimet.
