Milan ka vendosur t’i ofrojë kontratë të re trajnerit Gennaro Gattuso.
E përditshmja sportive italiane “Gazzetta dello Sport” raporton se “Rossonerët” janë të bindur se ish mesfushori e meriton të mbetet në postin e trajnerit përtej përfundimit të këtij sezoni.
Gattuso ka ringjallur sezonin e Milanit duke kualifikuar ekipin në finalen e Coppa Italia dhe e ka rikthyer në garë për pozitën e katërt në Serie A.
Me kontratën e re, Gattuso do të jetë i lidhur me Milanin deri në vitin 2020.
