Vijon forma e shkëlqyer që po kalon qendërmbrojtësi i kombëtares sonë, Ardian Ismajli. Pas dy performancave shumë të mira me ekipin kombëtar në Ligën e Kombeve, ai është duke dhënë një kontribut shumë të madh edhe te ekipi i tij Empoli në Serinë A.
Në dy ndeshjet e fundit të kampionatit italian, Ismajli ka treguar një performancë të nivelit të lartë duke bllokuar yjet e Juventusit dhe më pas skuadrën e Kaljarit. Nga faqja e mirënjohur WhoScored.com mbrojtësi është përzgjedhur madje edhe në formacionin e javës, duke qenë kështu një nga 11 futbollistët me të mire të javës së 5 në Serie A.
