Ernest Muçi po kalon momentin më të mirë në Turqi. Fantazisti i Kombëtares realizoi sot golin e radhës për Trabzonsporin, ndërsa përballë qëndron Beshiktashi.
Dhe pse nuk aktivizohet si sulmues, me gjashtë gola në katër ndeshjet e fundit padyshim është lojtari i momentit. Po kaq gola në 16 javë janë shënuar nga Osimhen, Asensio dhe Sane.
Muçi qëndron i huazuar te Trabzonspori, pasi kartonin e tij e zotëron Beshiktashi. Mbetet për t’u parë nëse ekipi i Trabzonit do të paguajë 8.5 milionë euro.
