Mbrojtësi i Kombëtares shqiptare, Berat Gjimshiti, nuk ka qenë sot i pranishëm në grumbullimin e kuqezinjve në Durrës, ku kanë nisur përgatitjet për miqësoren e 26 marsit me Norvegjinë në “Elbasan Arena”.
Gjimshiti ka marrë leje nga stafi për t’u larguar drejt Kosovës, pasi i kishte ndodhur një fatkeqësi familjare, ku një i afërm i tij kishte ndërruar jetë.
Futbollisti i Beneventos në Serie A do të qëndrojë në Kosovë për një ditë dhe do të rikthehet nesër në Durrës, për t’u vënë nën urdhrat e trajnerit Christian Panucci.
