Sane edhe zyrtarisht është lojtari më i shpejtë në Premierligë.
Sipas statistikave të Premierligë, anësori i Manchester City, Leroy Sane, edhe zyrtarisht është lojtari më i shpejtë në këtë ligë me topin në këmbë, me 35.48 kilometra për orë, çka do të thotë se ai mund t’i shpartallojë mbrojtësit, raporton Goal.
22 vjeçari, i cili u transferua nga Schalke më 2016 për 37 milionë funte, ka qenë shumë produktiv këtë edicion, duke shënuar 12 gola dhe duke dhuruar 15 asistime në të gjitha garat.
Ekipin i Pep Guardiolas që është afër titullit të Premierligës dhe gjendet në çerekfinale të Champions League, ku do të përballet me Liverpoolin.
Futbollistët më të shpejtë në Premierligë:
1. Leroy Sane | Manchester City | 35.48 km/h
2. Patrick van Aanholt | Crystal Palace | 35.42 km/h
3. Moussa Sissoko | Tottenham Hotspur | 35.33 km/h
4. Antonio Rudiger | Chelsea | 35.19 km/h
5. Kyle Walker | Manchester City | 35.16 km/h
6. Wilfried Zaha | Crystal Palace | 35.14 km/h
7. Oliver Burke | West Brom | 35.13 km/h
8. Kiko Femenia | Watford | 35.12 km/h
9. Laurent Koscielny | Arsenal | 35.11 km/h
10. Jamie Vardy | Leicester City | 35.09 km/h
