Milan, një nga ekipet më të mira italian qëkur Gattuso ka marrë drejtimin, do të përballet të shtunën në mbrëmje me kampionat në fuqi të Italisë, ndeshje kjo që do të zhvillohet në “Allianz Stadium”.
Mesfusha kuqezi do të udhëhiqet nga Franck Kessie, i cili është shprehur shumë optimist në prag të sfidës me bardhezinjtë. “Objektivi ynë është të fitojmë, duam tri pikët për të vazhduar përpara”, ka thënë ai.
“Juventus është një skuadër e madhe, do të jetë shumë e vështirë, por ne duhet të shkojmë atje për të marrë pikë dhe për të vazhduar rritjen tonë. Kë do t’i hiqja atyre? Buffon-in, është një portier i madh. Një parashikim? Fitojmë ne 2-0 dhe unë shënoj gol”.
