Chelsea do të tentojë të ulë epërsinë e Tottenhamit në vendin e katërt në Premierligë, i cili është treni i fundit për Ligën e Kampionëve, në një ndeshje që do të zhvillohet sot në “Stamford Bridge”.
Skuadra e Antonio Contes është duke përjetuar javë të vështira së fundmi pas një serie rezultatesh të dobëta, duke e lejuar Tottenhamin t’i shkëputet në pesë pikë, me vetëm tetë ndeshje të mbetura për t’u luajtur, transmeton Gazeta Express.
Megjithatë, një fitore sot në shtëpi e “Të kaltërve” kundër djelmoshave të Mauricio Pochettino do të ulte deficitin në vetëm dy pikë.
Ndeshja do të nisë në orën 17:00.
Këto janë formacionet e mundshme të të dy skuadrave:
Chelsea: Caballero; Rudiger, Azpilicueta, Cahill; Alonso, Moses, Kante, Fabregas, Willian, Hazard; Morata.
Tottenham: Lloris; Aurier, Vertonghen, Alderweireld, Davies; Dier, Dembele, Eriksen, Alli, Son; Llorente.
/Gazeta Express/
