Të përditshmet spanjolle dalin me lajmin se ikona e Kombëtares Argejntinase njëherazi dhe e Barcelonës Lionel Messi i ka kërkuar drejtuesve të klubit katalan të marrin shërbimet lojtarit të vitit në Premier League faraonit egjiptian Mohamed Salah, me të cilin do të formonin një partneritet të pathyeshëm sulmi bashkë me Luis Suarez për sezonin e ardhshëm.
Kjo nënkupton dhe faktin se Messi ka impakt dhe ndikim në vendimarrjen e drejtuesve të Barçës për lojtarët që shihen si objektiva prioritarë të merkatos dhe Salah është kandidati i parë në listën e preferencave. Sulmuesi 26-vjeçar, i cili fitoi Këpucën e Artë në ishull ndërsa në total realizoi 44 gola në sezonin që lamë pas dhe konsiderohet si një prej pikave të forta të skuadrës nga Anfield, me Liverpoolin që kërkon ta blindojë me një kontratë të rinovuar nga e cila do të përfitonte 185 mijë paund në javë, ndërkohë që kontrata aktuale e Salah, i cili nënshkroi me The Reds në 2017-ën aktualisht sheh një angazhim të tij në terma financiare prej 34.3 milionë paundësh në sezon.
Sidoqoftë siç dihet tani trendi i kartonit të tij është gjithnjë e në rritje duke e bërë atë një lojtar që kushton më shumë se 100 milionë paund. Kampionët e La Ligas janë të prirur për të plotësuar kërkesën e yllit argjentinas ndaj pritet të dalin më një ofertë madhore për Mohamed Salah që konsiderohet si Messi i Egjiptit.
