Megjithëse ka bërë një nisje të tmerrshme me Spanjën në Kupën e Botës, David De Gea pritet të bëhet portieri më i paguar në botë kur të firmosë rinovimin me Manchester United.
Djajtë e Kuq ka nisur negociatat me gardianin që në fillim të vitit dhe më në fund kanë arritur marrëveshjen, e cila do t’i japë 21 mln euro në vit De Gea-s në secilin prej pesë sezoneve të ardhshëm në Old Trafford.
Jose Mourinho ka besim të plotë tek aftësitë e tij dhe kishte kohë që donte të blindonte lojtarin ë shpeshherë tundohet nga ofertat nga Spanja.
Në fakt, De Gea thuajse u transferua te Real Madrid dy vite më parë por mesa duket ai tani do të qëndrojë përfundimisht në Manchester.
Dhe me kontratën e re, nuk do të ketë portier në botë që do të përfitojë më shumë se De Gea në vit.