Sulmuesi i Barcelonës, Lionel Messi, është vetëm një gol larg arritjes së edhe një tjetër rekordi të madh në karrierë.
Argjentinasit i duhet një gol në ndeshjen që po luhet kundër Villarrealit për të barazuar rekordin e Gerd Mullerit për më shumë gola të realizuar për një klub të vetëm në Top 5 Ligat Europiane.
Messi i ka shënuar 524 gola në 605 ndeshje zyrtare për Barcelonën. Muller e mban rekordin me 525 gola në 572 ndeshje.
Pjesa e parë e ndeshjes Villareal-Barcelona është mbyllur pa gola.