Manchester City ka ndërruar mendje sa i përket transferimit të sulmuesit të Arsenalit, Alexis Sanchez.
Trajneri i Manchester Cityt, Pep Guardiola është shumë i kënaqur me skuadrën aktuale dhe nuk dëshiron ndryshime gjatë janarit.
Sipas Goal.com, katalonasi ka kërkuar nga drejtuesit e klubit që të shtyjnë transferimin e sulmuesit të Arsenalit, Alexis Sanchez deri verën e ardhshme.
Fillimisht e kishte kërkuar kilianin gjatë janarit, por tashmë Guardiola ka ndërruar mendje, pasi nuk dëshiron të prish harmoninë në skuadër.
Sanchez gjatë verës do të jetë lojtar i lirë, kur edhe skadon kontrata e tij me skuadrën londineze.
Për shërbimet e tij interesim kanë shprehur edhe skuadrat tjera të mëdha evropiane, Real Madrid, PSG, Bayern Munich dhe Juventus.
