Trajneri i Liverpoolit, Jurgen Klopp pranon se është një tifoz i madh i yllit të Leicester Cityt, Riyad Mahrez.
Klopp ishte i lumtur të flasë për thashethemet që e lidhin transferimin e Mahrezit në Liverpool, duke e cilësuar algjerianin si lojtar fantastik.
“Për të qenë i sinqertë, (Mahrez) është një lojtar fantastik”, ka thënë fillimisht Klopp pas ndeshjes.
“Unë mund të imagjinoj se shumë klube janë të interesuara për shërbimet e tij”.
Mahrez duke festuar njërin nga golat e tij këtë sezon (Getty Images)
“Fakti që ai është akoma aty tregon qartë se dikush në Leicester e ka bindur atë, kështu që është një lojtar shumë i rëndësishëm për ta, 100 për qind”, përfundoi Klopp.
Mahrez është lidhur me Redsat pasi ata po kërkojnë një mesfushor-sulmues për muajin e ardhshëm.
E gjithë kjo pasi Philippe Coutinho mund të largohet në drejtim të Barcelonës në janar ose më së largu në afatin e qershorit.
Çmimi i Mahrezit besohet të jetë rreth 50 milionë euro.
