Sekretari i përgjithshëm i FSHF-së, Ilir Shulku nuk është dakord që politika të bëhet pjesë e sportit, duke shprehur u kështu kundër deputetit Bashkim Fino si kandidat për president të FSHF-së.
Deklaraten Shulku e ka bere gjate emisionit e “Rubrika Sportive” në RTSH, ku ka folur mes te tjerash, edhe per kete ceshtje, jo pak te debatuar.
“Armand Duka nuk ka vendosur nëse do të kandidojë sërish në zgjedhjet e radhës për presidenti të FSHF-së. Unë nuk do të kandidoj, kjo është e sigurt”- ka thene ai.
Pyetur per Bashkim Finon si kandidat për president të FSHF-së, ai u pergjigj:
“Politika nuk duhet bërë pjesë e sportit. Nuk është korrekte që një politikan të hyjë në sport. Nuk ka gjë të keqe që Bashkim Fino të kandidojë, por siç e thashë, politika nuk duhet të hyjë në sport. Politika prish punë në sport”.