Barça i uron javë të mbarë fansave duke postuar renditjen e La Ligas. Si mund të mos bëhet një gjë e tillë, kur vetëm në pjesën e parë të kampionatit, pas 19 xhirove, janë 19 pikë para rivalit të përbetuar, Realit.
19 pikë para Real Madridit, gara për titull në Spanjë mund të quhet e mbaruar për Real Madridin, teksa Barcelona tashmë duket se e ka trofeun në xhep.
Për të shprehur gëzimin për këtë distancë të madhe me vendet, dy tre dhe katër, Barça ka publikuar një foto në rrjetet sociale duke i uruar javë të mbarë fansave e që padyshim se do të jetë e tillë duke e parë se skuadra e tyre e zemrës po shkel këdo që i del para.
Nëntë pikë para Atletico Madridit, 11 para Valencias dhe 19 para Real Madridit – Barcelona po shkon sigurt drejt titullit të kampionit në Spanjë.
Barça aktualisht është klubi i vetëm pa humbje në top pesë ligat evropiane, pas disfatës së parë të Man City, që u mposht nga Liverpooli.