Agjenti i Aleix Vidal i ka konfirmua bisedimet me Romën me lojtarin e Barcelonës që mund të kalojë në Serie A.
Vidal kërkon të kalojë te Roma, pasi klubi italian dëshiron të marrë lojtarë në vend të Emerson Palmierit që do të largohet me gjasë drejt Chelseat.
Agjenti Graziano Battistini, ka thënë se klienti i tij është duke e konsideruar kalimin te Giallorossët.
“Roma është Roma”, ka thënë ish portieri i Veronas për Romaneës.eu.
“Vidal është duke e konsideruar seriozisht ofertën e Romës”.
“Ka kontakte me Monchin, dhe jemi në fazën hapëse të bisedimeve”, ka thënë ai.
Vidal ka qenë i lidhur edhe me Interit dhe Sevillën, por mbrojtësi duket që mund të përfundojë te Roma.
Drejtori sportiv i Romës, Monchi, e njeh shumë mirë lojtarin pasi që ishin së bashku te Sevilla.
