Kalimi i Pierre Emerick Aubameyang te Arsenali në këtë merkato po kthehet në një çështje. Kur mbeten edhe pak ditë që dritarja e transferimeve të dimrit të mbyllet ka gjasa që ky operacion merkatoje të dështojë.
Borussia Dortmundit ka dalë me një deklaratë për shtyp nëpërmjet drejtorit sportiv Michael Zorc i cili ka theksuar se oferta e fundit e londinezëve për bomberin nga Gaboni është e pamjaftueshme.
Për ta lënë të lirë sulmuesin klubi nga Signal Iduna Park kërkon 70 milionë euro ndërsa Arsenali për momentin nuk ofron më shumë se 60 milionë euro.
