Ish-sulmuesi i Interit, Mauro Zarate ka ndryshuar sërish skuadër.
Mauro Zarate është rikthyer në ekipin ku u formua si futbollist, Velez Sarsfild, ku do të luajë në formë huazimi deri në fund të sezonit.
Sulmuesi shkëlqimin më të madh si futbollist e pati me Lacion në kampionatin italian në vitet 2008-2012 dhe po në këtë vit u huazua te Interi për një sezon, që qëlloi një dështim për lojtarin.
Pas kësaj aventure sulmuesi ka patur vetëm rënie në karrierën e tij, por një rikthim i tillë te Velezi në sezonin 2013-2014 i bëri mirë lojtarit, sepse më pas u shit te Uest Hemi. Kjo do të jetë hera e gjashtë që lojtari dërgohet në huazim nga ekipet që i zotërojnë kartonin.
