FIFA ka vendosur që “Video Asistent Referee”, i njohur si VAR, do të përdoret në Kupën e Botës “Rusi 2018”.
Trupa e kësaj organizate do ta diskutojë këtë më 22 janar në Zyrih dhe pozicioni i presidentit Gianni Infantino dhe i FIFA-s është i qartë: “Ne duam ta përdorim VAR-in”.
Ky sistem është përdorur tashmë në organizimet e FIFA-s, në Kupën e Botës U-20, Kupën e Konfederatave dhe Kupën e Botës për Klube.
“Ne kemi luajtur pothuajse 100 ndeshje me VAR dhe testi ka qenë më i mirë se sa e kemi pritur”, tha Drejtori i IFAB, David Ellery.
VAR-i tashmë është duke u përdorur në Bundesligë, Serie A dhe në kupat e Francës dhe Anglisë. Në fakt, në Itali dhe Gjermani janë bërë pishman që kanë aplikuar futjen e teknologjisë, ndërsa FIFA për herë të parë do të organizojë një Botëror me VAR.
