Strategjia e Tiranës me talentet po sjell frytet e para. Veç faktit që synojnë të arkëtojnë parà prej shitjes së tyre (konkretisht nga Doka dhe Hoxhallari), vazhdojnë të zbulojnë të rinj. Më i fundit në listë është Ernest Muçi, sulmuesi i afruar nga akademia, konkretisht ekipi U-17.
I riu është duke i përballuar më së miri ngarkesat gjatë fazës në Antalia dhe këtë e dëshmoi në debutim. Ai kundër kazakëve të Fc Tobol e nisi si titullar dhe mbante numrin 20 në fanellë dhe, veç rasteve të mira që pati për gol, tregoi cilësi në asistin e dhënë për Grecën, që solli edhe avantazhin.
Nëse Muçi vijon me këto ritme, pritet që të ndjekë rrugën e Albi Dokës, i cili është kthyer në titullar të padiskutueshëm.