Kukësi shkëlqen në testin e parë miqësor në Turqi, në përgatitjet që po zhvillon në Antalia. Skuadra e Pakult mundi me shifrat 1-2 Kaiserisporin, në ndeshjen e parë nën drejtimin e austriakut.Kampjonët e Shqipërisë zhbllokuan rezultatin, me dy gola të shpejtë brenda një minute. Në minutën e 21-të shënoi Peposhi, ndërsa pak sekonda më pas ishte Shameti ai që shënoi golin e dytë. Më pas, në të 40-tën, ishte Turan për Kaiserisporin ai që ngushtoi diferencën, me pjesën e parë që u mbyll në shifrat 1-2.I njejti rezultat u ruajt edhe në pjesën e dytë duke bërë që verilindorët të marin fitoren e parë për vitin 2018.