Hapja e merkatos së ekipit të drejtuar nga Diego Simeone është shoqëruar me hyrje-dalje të shumta nga klubi. Pas firmosjes me dy sulmues si Diego Costa dhe Vitolo, argjentinasi Luciano Vieto është detyruar të largohet nga klubi.
Sulmuesi është transferuar te rivalët e Atletikos në kampionat, Valencia. Vetë klubi i Valencias e ka zyrtarizuar kalimin e argjentinasit deri në fund të sezonit, në formë huazimi me të drejtë blerjeje.
Sulmuesi është larguar jo vetëm nga konkurrenca, por edhe nga forma e dobët që ka shfaqur me Atletikon. Lojtari u ble me bujë nga Vijareali, pas paraqitjeve të mira me ta, por deri tani vetëm sa ka zhgënjyer në kryeqytet.
