Kur gjithçka dukej e kryer, tratativa mes Romës dhe Chelsea për transferimin e boshnjakut Edin Dzeko u ndal dhe dështoi. Sulmuesi bomberi i verdhekuqëve qëndroi te Roma, i lumtur, të paktën nga sa lexohet dhe kuptohet në intervistën që ai ka dhënë për portalin boshnjak “Klix.ba”.
“Është e vërtetë që ekzistoi një tratativë, por në lidhje me këtë argument janë thënë shumë falsitete. Jam i shtangur nga interesimi i shfaqur prej një klubi të madh, sikurse është Chelsea, por jam i lumtur që qëndrova te Roma, sepse kjo është shndërruar në shtëpinë time dhe do të qëndrojë për një kohë të konsiderueshme të jetës time. Këtu lindi djali im. Na mungoi pak fat, por kemi cilësinë e duhur për të dalë nga kriza”, deklaroi Dzeko.
