RB Leipzig i ka bërë përpjekjet e para për të nënshkruar me yllin e Milanit, Hakan Calhanoglu, raporton CalcioMercato.
Turku u transferua në Milan nga Bayer Leverkusen verën e kaluar për një shumë rreth 20 milionë euro. Ai e ka pasur të vështirë të gjejë vend në formacionin startues të Vincenzo Montella, megjithatë, tani nën udhëheqjen e Gennaro Gattusos, ai është duke e gjetur veten më mirë.
23-vjeçari i ka shënuar dy gola në 18 paraqitje për Milanin këtë sezon.
CalcioMercato mëson se RB Leipzig tani e sheh turkun si zëvendësuesin e përkryer të Naby Keitas, i cili në verë do t’i bashkohet Liverpoolit.