Sekretari i Përgjithshëm i FFK-së, Eroll Salihu e ka konfirmuar se Kosova mund të bëhet me trajner me 2 mars
Kombëtarja e Kosovës e Kosovës në futboll më në fund duket se e ka përzgjedhur trajnerin e ri, i cili do të zyrtarizohet më 2 mars.
Këtë e ka konfirmuar Eroll Salihu, i cili thotë se kryetari i FFK-së, Fadil Vokrri është autorizuar për të përmbyllur marrëveshjen.
“Kryetari Vokrri është autorizuar pikërisht ka shkuar në Zvicër apo edhe në shtetet tjera dhe është në finalizimin e këtij procesi”, ka thënë Salihu për Klan Kosova.
“Unë mendoj që në kuvendin e datës 2 mars, kryetari ka dashur të nderojë anëtarët e Komitetit Ekzekutiv për ti lajmëruar definitivisht për emrin e selektorit të ri dhe me këtë trajnerë do ti zhvillojmë dy duelet kontrolluese të muajit mars”, u shpreh ai në fund.
Kosova në muajin mars do të zhvillojë dy ndeshje miqësore ndaj Madagaskarit dhe Burkina Fasos.
