Nasser Al-Khelaifi ka këmbëngulur se Neymari 100 për qind do të jetë lojtar i Paris Saint-Germainit sezonin e ardhshëm, duke i hedhur poshtë spekulimet se braziliani mund të transferohet në Real Madrid.
Neymari iu bashkua PSG-së nga Barcelona në gusht të vitit të kaluar pasi gjiganti francez e aktivizoi klauzolën e lirimit të tij prej 222 milionë euro, megjithatë ylli brazilian tashmë është lidhur me një kalim sensacional në kryeqytetin spanjoll, transmeton Express.
Pas ndeshjes ndaj kampionit aktual të Ligës së Kampionëve në 1/8 e finales në Madrid, të cilën Neymar me shokë e humbi 3-1, presidenti i gjigantit parisien ka thënë se Neymar nuk do të shkojë askund.
“Natyrisht, 100 për qind Neymar do të jetë lojtar i PSG-së vitin tjetër”, ka thënë ai.