Një gafë e bujshme në rrjetin social “Twitter” të UEFA në frëngjisht. Faqja zyrtare e qeverisë së futbollit europian ka dashur të urojë Gigio Donnarumma, portierin e Milan që sot mbush 19 vjeç. “Portieri i Milan, Gianluigi Donnarumma mbush sot 19 vjeç dhe do të sfidojë Arsenal në 1/8-t e finaleve të Europa League. HB Gigio!”
Deri këtu gjithçka është në rregull, por problemi është se në fotografinë ilustruese krahas këtij mesazhi është fotografia e vëllait të tij, Antonio Donnarumma, i cili ishte titullar në ndeshjen e fundit të Milan, të enjten kundër bullgarëve të Ludogorets.
