Eden Hazard thotë se është i lumtur tek Chelsea, por ka refuzuar të përjashtojë në të ardhmen një transferim tek Reali i Madridit.
Gjatë një interviste për të përditshmen spanjolle “Marca”, sulmuesi belg theksoi se për momentin nuk mendon për asnjë skuadër tjetër
“Reali? Në futboll asgjë nuk i dihet. Unë jam i lumtur tek Chelsea dhe jam duke u përqëndruar me skuadrën time.”, tha Hazard.
“Pas Messit dhe Ronaldos, Hazard është lojtari im i preferuar. Është spektakolare ta shohësh duke luajtur”, ka thënë më parë Zidane.
Hazard gjatë këtij sezoni ka shënuar 13 gola dhe ka dhënë 4 asistime në të gjitha garat.
