Dybala është rikthyer! Me të në fushën e lojës, Juventusi është një tjetër skuadër.
Bardhezinjtë janë hakmarrë ndaj Lazios për atë humbje të fazës së parë me një gol të shënuar në minutën e 93 ndaj argjentinasi Dybala.
Që prej 9 dhjetorit të vitit të kaluar, Juventusi koleksionon vetëm fitore në Serie A dhe kjo ndaj Lazios ishte e dhjeta radhazi.
Në “Olimpico” ishte një ndeshje thuajse e barabartë dhe të gjithë menduan se Lazio ndali bardhezinjtë, por Dybala ka thyer Strakoshën, duke arritur “ëndrrën” e tij për të mposhtur portierin shqiptar, i cili e ndalte në fazën e parë nga pika e 11-metërshit.
