Sistemi më i ri i teknologjisë në futboll, VAR do të jetë i pranishëm dhe në kategorinë më të lartë në Holandë duke nisur nga sezoni i ardhshëm.
Kjo u vendos unanimisht nga klubet, ndërsa drejtori i përgjithshëm i Federatës së Futbollit Holandez është shprehur se ky është një moment unik për futbollin në shtetin e tulipanëve.
Gjatë këtij sezoni sistemi VAR është përdorur në Serie A, Bundesligën gjermane dhe në Kupën FA (Angli). Ndërkohë që pak ditë më parë zyrtarë të FIFA-s vendosën që ky sistem të përdoret dhe në Botërorin e Rusisë.
